بیٹے کو نشییوں کی صحبت سے دور رکھنے کا رنج،نشی ملزمان نے گھر میں داخل ہوکر باپ کو اینٹوں سے حملہ کرکے شدید زخمی کردیا

ساہوکا(منیراحمد ڈاہر سے)بیٹے کو نشییوں کی صحبت سے دور رکھنے کا رنج،نشی ملزمان نے گھر میں داخل ہوکر باپ کو اینٹوں سے حملہ کرکے شدید زخمی کردیا۔تفصیلات کے مطابق ساہوکا کے نواحی چک نمبر 317ای بی دیوان صاحب کے رہائشی پیر محمد شہباز چاولیانہ نے تھانہ ساہوکا میں مقدمہ درج کرواتے ہوئے موقف اختیار کیا کہ میں شہباز احمد اور میرا بیٹامحمد سہیل اپنے گھر میں موجود تھے کہ اسی محلہ کے نشی افراد نے میرے بیٹے کو اپنے پاس بلوایا جب میں نے اس کو ان کے ساتھ جانے سے منع کیا تو نشی ملزمان آگ بگولہ ہوگئے میرے گھر میں داخل ہوکر ملزمان محمد شاہد ولدلیاقت علی مسلح اینٹ،شوکت علی ولدجلال دین مسلح اینٹ اقوام چاولیانہ اور فخر حسین ولدمختیار قوم نائی مسلح اینٹ ساکنان چک نمبر 317ای بی دیوانصاحب نے حملہ کرکے مدعی مقدمہ کو شدیدزخمی کردیا ڈاکٹری رپورٹ کے بعد تھانہ ساہوکا پولیس نے مدعی کی درخواست مقدمہ درج کرکے کاروائی کا باقاعدہ آغاز کردیا ہے