ویسٹ انڈیز کے خلاف ون ڈے اور ٹی ٹوئنٹی انٹرنیشنل سیریز کے لیے پاکستان کے سکواڈ کا اعلان کردیا گیا، سیریز میں 3 ٹی ٹوئنٹی اور 3 ون ڈے انٹرنیشنل میچز کھیلے جائیں گے۔
محمد رضوان ون ڈے فارمیٹ میں کپتان برقرار ہیں جبکہ شاہین شاہ آفریدی، بابر اعظم، سلمان علی آغا، عبداللّٰہ شفیق، فہیم اشرف، فخر زمان، حسن علی، نسیم شاہ اور صائم ایوب سکواڈ کا حصہ ہیں۔ حسین طلعت، محمد نواز، حسن نواز، ابرار احمد، محمد حارث اور سفیان مقیم بھی 16 رکنی سکواڈ میں شامل ہیں۔
سلمان علی آغا، حارث رؤف، حسن علی، شاہین شاہ آفریدی، فہیم اشرف، فخر زمان، خوشدل شاہ، حسین طلعت اور محمد نواز ٹی 20 سکواڈ کا حصہ ہیں۔
